PAS-DE-CALAIS. Charte sur parchemin. 17 janvier 1478. 16 x 33 cm. Quelques défauts. Cachet des archives de l'ordre de Malte.Vente d'une rente à Gauvain Quieret seigneur d'Ostreville (Pas-de-Calais). " À tous ceulx qui ces présentes lettres verront Jehan du Borront dit Lemoisne commis à la garde de Bernay (en Ponthieu vraisemblablement) de part haut et redoubté seigneur Monsieur le Bastart de Bourgogne, comte de la Roche, seigneur dud. Bernay et en la présence de Collart Bourgart et ... de Santon hommes de fief du chastel dud. Bernay, comparut en sa personne Hacquin Ducrocq fils et heritier de feu Jehan Ducrocq habitant aud. Bernay et recognut que pour son pourfit moiennant le somme de cent frans (comptant) xxxij gros par francq il a vendu à Messire Gauvain Quieret chevalier, seigneur de Doctreville (d'Ostreville) dix frans de rente annuelle et héritalle que ledit recognoissant avoit sur Hacquinet de Salines et dont il avoit ypotèque sur certains héritages tant en la parroisse de Saint-Florant (?) ... à rachat sous les condicions et par la manière déclarée es lettres de la constitution de ladite rente et ... a constitué et establis ses procureurs généraulx et messagers espéciaulx Jehan Le Feure. et Jehan Cossar ausquelz et à chacun d'eulx pour soy ayant les lettres dudit recognoissant a donné et donne pouvoir absolu et immutable de pour lui et en son nom comparoir par-devant auditeurs royaulx ou autres juges tels qu'il plaira audit Messire Gauvain ; et illecq recognoist led. nothaire transporter aud. Messire Gaulvain lad. rente ensemble toutes lettres servans à icelle rente et constitue icelluy Messire Gaulvain en son lieu propre, acteur, porteur et pocesseur d'icelle rente et lettres pour en jouir par lui ses hoirs ou ayans-cause comme eust peu ores faire ledit recognoissant auparavant ledit transport et vente. Mesmes leur a donné et donne pouvoir recepvoir les deniers de ladite vente et en bailler et passer quittance et générallement pouvoir de en ce faire autant que faire pourroit ledit recognoissant si présent en sa personne y estoit jà fust-il que le cas requist mandement plus espécial. Promettant ledit recognoissant avoir pour agréable et tenir ferme et stable tout ce qui par lesdits procureurs ou l'un d'eux sera fait et besoigné ... souz obligation de tous ses biens et de ses hoirs présens et advenir [] ".